ԵԱ. Միհրան Ջաբուրյանը կպայքարի բրոնզե մեդալի համար
19:57 14 փետրվարի, 2020Իտալիայի մայրաքաղաք Հռոմում ընթացող ազատ ոճի ըմբշամարտի 57 կգ քաշայինների կիսաեզրափակիչում Հայաստանի ներկայացուցիչ Միհրան Ջաբուրյանը 3:6 հաշվով պարտվեց Թուրքիայի ներկայացուցիչ Սուլեյման Աթլիին եւ կպայքարի բրոնզե մեդալի համար:
Ջաբուրյանը պայքարը սկսել էր 1/8 եզրափակիչից, որտեղ համառ պայքարում 5:4 հաշվով հաղթել էր Բելառուսի ներկայացուցիչ Դիմչիկ Ռինչինաուին: Քառորդ եզրափակիչում հայ ըմբիշը ոչ մի հնարավորություն չտվեց մոլդովացի Անատոլի Բուրույանին (5:0):
Առաջին մրցումային օրվա Հայաստանի մյուս ներկայացուցիչները պարտվեցին: Քառորդ եզրափակիչ դուրս եկած 79 կգ քաշային Արման Ավագյանը 4:8 հաշվով պարտվեց Ադրբեջանի ներկայացուցիչ Ջաբրաիլ Հասանովին: Ավագյանը պայքարը սկսել էր 1/8 եզրափակիչից, որտեղ 7:5 հաշվով հաղթել էր մոլդովացի Գեորգի Պասկալովին: Վալոդյանը Ֆրանգուլյանը (65 կգ) որակավորման փուլում 3:1 հաշվով սլովակ Դավիդ Հաբատին հաղթելուց հետո, 1/8 եզրափակիչում պարտվեց լեհ Քրիստոֆ Բյենկովսկու(1:4): Գեւորգ Մխեյանը (70 կգ) մեկնարկում պարտվեց ադրբեջանցի Աղահուսեյն Մուստաֆաեւին (8:15)։ 97 կգ քաշային Սարգիս Հովսեփյանը (97 կգ) մեկնարկում պարտվեց վրացի Էլիզբար Օդիկաձեին (0:5)։
Փետրվարի 15-ին պայքարի մեջ կմտնի Եվրոպայի գործող չեմպիոն Արսեն Հարությունյանը (61 կգ), ինչպես նաեւ Հրայր Ալիխանյանը (74 կգ), Հովհաննես Մխիթարյանը (86 կգ), Մարզպետ Գալստյանը (92 կգ) եւ Լեւան Բերիանիձեն (125 կգ):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.