Ռակիտիչ․ Մեսին բոլոր ժամանակների լավագույն ֆուտբոլիստն է
16:12 14 փետրվարի, 2020«Բարսելոնայի» եւ Խորվաթիայի հավաքականի կիսապաշտպան Իվան Ռակիտիչը խոսել է կատալոնական թիմի արգենտինացի հարձակվող Լիոնել Մեսիի եւ Թուրինի «Յուվենտուսի» պորտուգալացի հարձակվող Կրիշտիանու Ռոնալդուի մասին։
«Պարզապես հրաշալի է խաղալ Մեսիի հետ, դա առանձնահատուկ մի զգացողություն է։ Բոլոր ժամանակներում էլ եղել են առանձնահատուկ խաղացողներ։ Նախորդ 15 տարիներին Մեսին լավագույնն է։ Բայց ես կարծում եմ, որ նա բոլոր ժամանակների լավագույն ֆուտբոլիստն է։ Հրաշալի էր նրա հետ խաղալ վեց տարի։
Իհարկե, կցանկանայի խաղալ նաեւ Ռոնալդուի հետ։ Նա նույնպես գլխավոր խաղացողներից մեկն է պատմության մեջ։ Հետեւել նրա խաղին մեծ հաճույք է։ Տեսեք, թե ինչ է նա հիմա անում «Յուվենտուսում»։ Ինձ համար նա լավագույններից մեկն է պատմության մեջ»,- Ռակիտիչի խոսքը մեջբերում է Bleacher Report-ը։
Հունվարին Ռակիտիչը ցանկանում էր հեռանալ «Բարսելոնայից»։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։