Իտալիայի չեմպիոն Թուրինի «Յուվենտուսի» իտալացի դարպասապահ Ջանլուիջի Բուֆոնը դրվատանքով է խոսել թիմի պորտուգալացի հարձակվող Կրիշտիանու Ռոնալդուի մասին։
«Ռոնալդուն անհավանական է։ Անկեղծ խոստովանեմ, որ «Յուվենտուս» վերադարձա նաեւ Ռոնալդուի հետ մարզվելու եւ խաղալու հնարավորության համար։
Ես կարծում եմ, որ դեռ կարող եմ ամենաբարձր մակարդակի վրա խաղալ։ Այդ պատճառով եմ շարունակում կարիերաս։ Վերադարձը «Յուվենտուսի» նման ակումբ տալիս է ավելի մեծ մոտիվացիա։ Այսպիսի պայմանները դարձնում են ավելի պատասխանատու եւ վճռական»,- 42-ամյա Բուֆոնի խոսքը մեջբերում է Rai Sport-ը։
35-ամյա Ռոնալդուն Իտալիայի ընթացիկ առաջնությունում մասնակցել է 20 հանդիպման, խփել 20 գոլ, կատարել 2 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։