ՊՍԺ-ն տարեկան 50 միլիոն եվրո կառաջարկի Կիլիան Մբապեին
16:13 13 փետրվարի, 2020Ֆրանսիայի չեմպիոն ՊՍԺ-ն մտադիր է նոր պայմանագիր կնքել աշխարհի չեմպիոն Ֆրանսիայի հավաքականի հարձակվող Կիլիան Մբապեի հետ։ Փարիզյան ակումբը 21-ամյա ֆուտբոլիստին կառաջարկի տարեկան 50 միլիոն եվրո աշխատավարձ, որպեսզի նա չտեղափոխվի Մադրիդի «Ռեալ», հաղորդում է AS-ը։
Ոչ պաշտոնական տվյալներով, այժմ Մբապեն ստանում է տարեկան 15 միլիոն եվրո։ Նրա պայմանագիրը ՊՍԺ-ի հետ նախատեսված է մինչեւ 2022թ․ հունիս։
Արքայական ակումբի նախագահ Ֆլորենտինո Պերեսը մտադիր է Մբապեի տեղափոխության գործարքը կնքել 2021-ին՝ ֆուտբոլիստի պայմանագրի ավարտից մեկ տարի առաջ։
Ֆրանսիայի ընթացիկ առաջնությունում Մբապեն մասնակցել է 18 հանդիպման, խփել 15 գոլ, կատարել 5 գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։