Թուրք ըմբիշը պարգեւատրման արարողության ժամանակ չկանգնեց Արթուր Ալեքսանյանի կողքին (ֆոտո)
01:00 13 փետրվարի, 2020Թուրք ըմբիշը պարգեւատրման արարողության ժամանակ չկանգնեց Արթուր Ալեքսանյանի կողքին ընդհանուր լուսանկարվելու համար:
Իտալիայի մայրաքաղաք Հռոմում 97 կգ քաշայինների եզրափակիչով ավարտվեց հունահռոմեական ըմբշամարտի Եվրոպայի առաջնությունը: Արթուր Ալեքսանյանը 5-րդ անգամ նվաճեց Եվրոպայի ոսկե մեդալը:
1/8 եզրափակիչում Արթուր Ալեքսանյանի մրցակից թուրք Ջենք Իլդեմը պարգեւատրման արարողության ժամանակ աչքի ընկավ հերթական ոչ սպորտային պահվածքով: Մեդալների հանձնումից եւ Հայաստանի հիմնը հնչելուց հետո թուրք ըմբիշը ընդհանուր լուսանկարվելու ժամանակ բրոնզե մեդալակիր Ալեքսանդր Գոլովինի հետ տեղերով փոխվեց, որպեսզի չկանգնի Արթուր Ալեքսանյանի կողքին: Ջենք Իլդեմը նվաճեց բրոնզե մեդալ:
Ալեքսանյանը Իլդեմին 1/8 եզրափակիչում հաղթել էր 7:1 հաշվով: Գոտեմարտի ընթացքում թուրք ըմբիշը պարբերաբար հրահրում եւ գլխով հարվածում էր Արթուրին, ինչի պատճառով մրցավարը նկատողություն էր տվել եւ երկու միավոր ավելացրել օլիմպիական չեմպիոնի օգտին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.