Հայաստանի հավաքականի պաշտպանը տեղափոխվեց Ղազախստան

15:18   12 փետրվարի, 2020

Հայաստանի հավաքականի պաշտպան Արման Հովհաննիսյանը պայմանագիր է կնքել ղազախական «Տոբոլի» հետ, հայտնում է ակումբի պաշտոնական կայքը։

26-ամյա ֆուտբոլիստը կարիերան սկսել է Երեւանի «Փյունիկում», որի գլխավոր թիմում նորամուտը նշել է 2011 թվականին։ «Փյունիկի» հետ դարձել է Հայաստանի փոխչեմպիոն, գավաթակիր եւ սուպերգավաթակիր։

Արման Հովհաննիսյանը կարիերայի ընթացքում հանդես է եկել նաեւ «Ալաշկերտում», «Շիրակում», ուկրաինական «Զիրկայում», «Արարատ-Արմենիայում»։ Նախորդ ակումբը «Գանձասար-Կապանն» էր։

2019-ին նա նորամուտն է նշել Հայաստանի հավաքականում, անցկացրել է երեք հանդիպում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։