Լոնդոնի «Տոտենհեմի» նախկին գլխավոր մարզիչ Մաուրիսիո Պոչետինոն խոստովանել է, որ ցանկանում է վերադառնալ անգլիական Պրեմյեր լիգա։ Արգենտինացի մասնագետն այժմ մարզչական աշխատանք չունի։
«Եթե անկեղծ, ապա հաճույքով դարձյալ կաշխատեի Պրեմյեր լիգայում։ Գիտեմ, որ դա բարդ կլինի։ Պետք է սպասել։ Տեսնենք, թե ինչ կլինի։
Հիմա վերականգնողական փուլում եմ։ Ես պատրաստ եմ եւ սպասում եմ նոր փորձության։ Վստահ եմ, որ հաջորդ մարտահրավերը կլինի ֆանտաստիկ»,- Պոչետինոյի խոսքը մեջբերում է Sky Sports-ը։
Պոչետինոն «Տոտենհեմից» հեռացվել է 2019թ․ նոյեմբերի 19-ին Անգլիայի առաջնությունում գրանցած անհաջող արդյունքներից հետո։ Չեմպիոնների լիգայի անցած մրցաշրջանում լոնդոնյան թիմը նրա ղեկավարությամբ հասել էր եզրափակիչ եւ պարտվել «Լիվերպուլին»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։