ԵԱ. Կարապետ Չալյանը` Եվրոպայի բրոնզե մեդալակիր
22:37 11 փետրվարի, 2020Եվրոպական խաղերի փոխչեմպիոն Կարապետ Չալյանը բրոնզե մեդալ նվաճեց Իտալիայի մայրաքաղաք Հռոմում ընթացող հունահռոմեական ըմբշամարտի Եվրոպայի առաջնությունում:
77 կգ քաշայինների բրոնզե մեդալի համար գոտեմարտում գյումրեցի ըմբիշը մրցեց Բուլղարիան ներկայացնող Հայկ Մնացականյանի հետ, որը ձեռքի վնասվածքի պատճառով չկարողացավ շարունակել պայքարը:
Առաջին մրցափուլում Կարապետ Չալյանը ներքեւից աշխատելու հնարավորություն ստացավ, գլորում կատարեց եւ Հայկ Մնացականյանը վնասեց ձախ ձեռքը: Գորգի մրցավարը կանգնեցրեց գոտեմարտը, բժիշկների զննությունից հետո Հայկ Մնացականյանը որոշեց շարունակել պայքարը: Երկրորդ մրցափուլի մեկնարկում Արմեն Նազարյանի սանը ցանկանում էր շարունակել գոտեմարտը, բայց բժիշկները թույլ չտվեցին: Հաղթանակը շնորհվեց Կարապետ Չալյանին:
Չալյանը պայքարը սկսել էր որակավորման փուլից, որտեղ 11:2 հաշվով հաղթել էր Շվեյցարիայի ներկայացուցիչ Նիկոլաս Կրիստենին, 1/8 եզրափակիչում 3։1 հաշվով առավելության էր հասել աշխարհի չեմպիոն, սերբ Վիկտոր Նեմեշին, իսկ քառորդ եզրափակիչում էլ 5:2 հաշվով հաղթել էր բելառուս Պավել Լիախի նկատմամբ: Կիսաեզրափակիչում 0:3 հաշվով պարտվել էր ադրբեջանցի Սանան Սուլեյմանովին:
Չալյանը բրոնզե մեդալակիր է դարձել նաեւ 2016 թվականի Եվրոպայի առաջնությունում: Մինսկում տեղի ունեցած Եվրոպական խաղերի փոխչեմպիոն է:
Նշենք, որ Կարապետ Չալյանը Նուրսուլթանում տեղի ունեցած աշխարհի առաջնությունում նվաճել է Տոկիո-2020 Օլիմպիական խաղերի ուղեգիր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.