ԵԱ․ Արթուր Ալեքսանյանը 7։1 հաշվով հաղթեց թուրք Ջենք Իլդեմին
17:33 11 փետրվարի, 2020Ռիոյի օլիմպիական չեմպիոն, աշխարհի եռակի, Եվրոպայի քառակի չեմպիոն Արթուր Ալեքսանյանը վստահ հաղթանակով մեկնարկեց Հռոմում ընթացող հունահռոմեական ըմբշամարտի Եվրոպայի առաջնությունում:
97 կգ քաշայինների 1/8 եզրափակիչում Արթուր Ալեքսանյանը 7:1 հաշվով հաղթեց թուրք Ջենք Իլդմին: Օլիմպիական չեմպիոնը գոտեմարտը սկսեց մեծ ակտիվությամբ: Գոտեմարտի ընթացքում թուրք ըմբիշը պարբերաբար հրահրում եւ գլխով հարվածում էր Արթուրին, ինչը հունից հանեց հայ ըմբիշին: Գորգի մրցավարը զսպեց երկու ըմբիշներին:
Թուրք ըմբիշը կոպիտ գոտեմարտելու եւ ոչ սպորտային վարքի համար նկատողություն ստացավ գորգի մրցավարից, որը երկու միավոր ավելացրեց Արթուր Ալեքսանյանի հաշվին:
Քառորդ եզրափակիչում Ալեքսանյանի մրցակիցը կլինի աշխարհի ու Եվրոպայի փոխչեմպիոն բուլղարացի Կիրիլ Միլովը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.