«Բարսելոնան» կփորձի այս շաբաթ ձեռք բերել Վիլիան Ժոզեին

Իսպանիայի չեմպիոն «Բարսելոնան» կփորձի այս շաբաթ ձեռք բերել իսպանական «Ռեալ Սոսյեդադի» 28-ամյա բրազիլացի հարձակվող Վիլիան Ժոզեին, հաղորդում է Marca-ն։

Կատալոնական ակումբն այժմ բանակցում է տրանսֆերի գնի շուրջ։ Պայմանագրով Վիլիան Ժոզեի տրանսֆերը 70 միլիոն եվրո է։ «Բարսելոնան» չի ցանկանում այդքան վճարել։

Փետրվարի 11-ին կվիրահատվի «Բարսելոնայի» ֆրանսիացի հարձակվող Ուսման Դեմբելեն։ Դրանից հետո 48 ժամվա ընթացքում կատալոնական ակումբն իրավունք ունի դիմել Իսպանիայի ֆուտբոլի ֆեդերացիա՝ տրանսֆերային պատուհանի փակվելուց հետո նոր խաղացողի ձեռք բերելու թույլտվության համար։