Ֆրանսիայի չեմպիոն ՊՍԺ-ի գերմանացի գլխավոր մարզիչ Թոմաս Տուխելը դրական է արտահայտվել թիմի ուրուգվայցի հարձակվող Էդինսոն Կավանիի մասին, որը հունվարին ցանկանում էր հեռանալ փարիզյան ակումբից։
«Մրցակցությունը դրական է ազդում։ Մեզ պետք են մեր տարամադրության եղած բոլոր ֆուտբոլիստները։ Ձմեռային տրանսֆերային պատուհանի փակվելուց հետո Կավանին սկսել է ավելի լավ մարզվել։ Արդեն մի քանի օր դա զգացվում է։ Նա շատ լավ մտավ խաղի մեջ եւ շատ կարեւոր գոլ խփեց։ Մեզ պետք են Կավանիի նման փարձառու խաղացողներ»,- Տուխելի խոսքը մեջբերում է Goal.com-ը։
Հունվարին 32-ամյա Կավանին պետք է տեղափոխվեր Մադրիդի «Աթլետիկո», սակայն գործարքը ձախողվեց։ Հունիսին ավարտվում է նրա պայմանագիրը ՊՍԺ-ի հետ։
Ֆրանսիայի առաջնություն, 24-րդ տուր
ՊՍԺ - «Լիոն»՝ 4։2 (տեսանյութ)
Անխել Դի Մարիա, 22, Կիլիան Մբապե, 38, Ֆերնանդո Մարսալ, 47, ինքնագոլ, Էդինսոն Կավանի, 80 - Մերտեն Տերյե, 52, Մուսա Դեմբելե, 59
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։