«Լոռիի» նորեկները

Հայաստանի Բարձրագույն խմբի առաջատար «Լոռի» է տեղափոխվել ավստրիացի կենտրոնական պաշտպան Տոդե Ջակովիչը։

24-ամյա ֆուտբոլիստը հանդես է եկել սերբական «Պարտիզանի» Մ19 եւ Բ թիմերում, ավստրիական «Ֆրոնլեյթեն», «Վեյց», «Դյոչլանդսբերգեր» ակումբներում։

Ջակովիչի նախորդ թիմը եղել է Սերբիայի առաջին լիգայի «Սմեդերեւոն»։

Նա կնքել է մեկ տարվա պայմանագիր, հայտնում է վանաձորյան ակումբի մամուլի ծառայությունը։

«Լոռի» է տեղափոխվել նաեւ հարձակվող Դավիթ Ղանդիլյանը։

26-ամյա ֆուտբոլիստը «Շիրակի» սան է, հանդես է եկել նաեւ «Փյունիկում», «Արարատում», Լիբանանի «Հոմենթմենում», մոնղոլական «Դերենում»։ Հայաստանի սուպերգավաթակիր է։

Ղանդիլյանի նախորդ ակումբը եղել է Երեւանի «Ալաշկերտը»։

«Լոռիում» Ղանդիլյանը հանդես կգա 11 համարի խաղաշապիկով։