Կաֆելնիկովը ցանկանում է մասնակցել 2016-ի Օլիմպիական խաղերին
18:55 5 սեպտեմբերի, 2012Անցյալի հայտնի թենիսիստ 38-ամյա Եվգենի Կաֆելնիկովը մտադիր է մասնկացել 2016-ին Ռիո դե Ժանեյրոյում կայանալիք Օլիմպիական խաղերին: Կաֆելնիկովը ցանկանում է հանդես գալ գոլֆի Ուկրաինայի հավաքականում: 2016-ին գոլֆը ներկայացված կլինի օլիմպիական ծրագրում առաջին անգամ 1904-ից ի վեր:
2011-ին Կաֆելնիկովը հաղթել է Ռուսաստանի գոլֆի առաջնությունում: Ռուս մարզիկը հայտարարել է, որ շահավետ առաջարկ է ստացել Խարկովի «Superior Golf Club» ակումբից, որը պատրաստ է ֆինանսավորել նախկին թենիսիստին:
«Ես իսկապես շահավետ առաջարկ եմ ստացել Խարկովի «Superior Golf Club» ակումբի նախագահից եւ կներկայացնեմ Ուկրաինան: Եթե ինձ առաջարկեն մասնակցել Օլիմպիական խաղերին, ապա ես կմտածեմ այդ ուղղությամբ: Այդ կապակցությամբ գոյություն ունի նախնական պայմանավորվածություն»,- Կաֆելնիկովի խոսքն է մեջբերում sport-express.ru-ն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։