Արգենտինացի հարձակվող Ագուստին Մազիերոն համալրել է «Լոռին»։ 22-ամյա ֆուտբոլիստը «Ռոսարիո» ակումբի սան է։ Այդ թիմի կազմում Մազիերոն մասնակցել է Արգենտինայի Սուպերլիգայի 5 հանդիպման եւ դարձել երկու գոլի հեղինակ։ Մազիերոն հանդես է եկել նաեւ Չիլիի «Մագալլանես» թիմում։
Փետրվարի 8-ին տեղի ունեցած «Վիտորուլ Պանդուրիի» հետ խաղում Մազիերոն դարձել է գոլի հեղինակ։ «Լոռին» հաղթել էր 3։1 հաշվով, հայտնում է հայկական ակումբի մամուլի ծառայությունը։
Արգենտինացու հետ «Լոռին» կնքել է մեկ տարվա պայմանագիր։
«Լոռին» մեկ տարվա պայմանագիր է կնքել նաեւ կիսապաշտպան Սարգիս Շահինյանի հետ։ 25-ամյա ֆուտբոլիստը «Միկայի» սան է, հանդես է եկել պորտուգալական «Բրագայի» Մ19 թիմում, «Փյունիկում», «Գանձասարում», «Արարատում» եւ բուլղարական «Մոնտանայում»։
Շահինյանի նախորդ ակումբը եղել է «Ալաշկերտը»։
Հայաստնաի Բարձրագույն խմբի առաջնություններում նա մասնակցել է 115 հանդիպման, դարձել է Հայաստանի կրկնակի գավաթակիր եւ կրկնակի սուպերգավաթակիր։
Սարգիսը հանդես է եկել նաեւ Հայաստանի Մ17, Մ19 եւ Մ21 հավաքականներում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։