Ֆուտբոլի Հայաստանի ազգային հավաքականի նախկին կիսապաշտպան Մարկոս Պիզելին, որը ծնկի վնասվածքի պատճառով հայտարարեց մարզական կարիերան ավարտելու մասին, դիմել է իր բոլոր երկրպագուներին:
«Շնորհակալ եմ նրանց, ովքեր որևէ կերպ կողքիս էին իմ կյանքի գեղեցիկ ճանապարհորդության ընթացքում: Ինձ համար մեծ հաճույք էր խաղալ աշխարհի տարբեր երկրներում, նաև, ի սրտե, Հայաստանում:
Հուսով եմ՝ ինչ որ չափով կարողացել եմ հաճույք պատճառել ստադիոնում իմ խաղին հետևող երկրպագուներին:
Հատուկ շնորհակալություն բոլոր թիմերին և Հայաստանի ֆուտբոլի ֆեդերացիային:
Արդեն իսկ կարոտում եմ ֆուտբոլը»,- Ինստագրամի իր պաշտոնական էջում գրել է Պիզելին:
Հայաստանի ազգային հավաքականի կազմում 35-ամյա կիսապաշտպանը մասնակցել է 68 հանդիպման՝ դառնալով 11 գոլի հեղինակ:
Մարկոս Պիզելին հանդես է եկել Երևանի «Արարատում», «Փյունիկում», Դոնեցկի «Մետալուրգում», Կրասնոդարի «Կուբանում» և «Կրասնոդարում», Սաուդյան Արաբիայի առաջնությունը ներկայացնող «Ալ-Ռայեդում», ԱՄԷ-ի առաջնությունը ներկայացնող «Ալ-Շաբաբում», «Ալ-Ֆուջարիայում», նաև հունական «Քսանտիում»: Կարիերան ավարտելուց օրեր առաջ Պիզելին պայմանագիր էր կնքել «Արարատ-Արմենիայի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։