Ֆուտզալի Հայաստանի ազգային հավաքականը Եվրո-2022-ի հիմնական խմբայի փուլի անցումային խաղերում իր մրցակցի անունը կիմանա փետրվարի 13-ին, տեղեկացնում է Հայաստանի ֆուտբոլի ֆեդերացիայի մամուլի ծառայությունը:
Հայաստանի հավաքականի հնարավոր մրցակիցներն են Իսրայելը, Սան Մարինոն, Բուլղարիան, Անգլիան, Թուրքիան և Շվեյցարիան:
Հանդիպումները տեղի կունենան ապրիլի 8-ին և 15-ին: Հայաստանի հավաքականն առաջին հանդիպումը կանցկացնի մրցակցի հարկի տակ:
Հիշեցնենք, որ ֆուտզալի Հայաստանի ազգային հավաքականը Եվրո-2022-ի ընտրական փուլի B խմբում պարտվեց Բելգիային, հաղթեց Չեռնոգորիային և ոչ ոքի խաղաց Շոտլանդիայի հետ: Հայաստանի հավաքականը 4 միավորով գրավեց երկրորդ տեղը և նվաճեց հիմնական խմբային փուլի ուղեգրի համար անցումային հանդիպումների մասնակցելու իրավունք։
Անցումային հանդիպումներին կմասնակցեն 9 խմբերում երկրորդ տեղ գրաված հավաքականները և երրորդ տեղ զբաղեցրած լավագույն 5 հավաքականները։ Անցումային հանդիպումներում առավելության դեպքում Հայաստանի հավաքականը կնվաճի Եվրո-2022-ի հիմնական խմբային մրցաշարի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։