Բռնցքամարտի Հայաստանի երկու հավաքական մասնակցում է հավաքների
16:43 3 փետրվարի, 2020Բռնցքամարտի Հայաստանի հավաքականը մեկնել է Ուկրաինայի Իվանո-Ֆրանկովսկ քաղաք, որտեղ համատեղ հավաք կանցկացնի Չեխիայի, Լեհաստանի, Բելառուսի և Ուկրաինայի թիմերի հետ, հայտնում է ՀԱՕԿ-ի կայքը:
Թիմի գլխավոր մարզիչն է Ռաֆայել Մեհրաբյանը։ Հավաքին մասնակցում են Արթուր Հովհաննիսյանը (52 կգ), Կորյուն Սողոմոնյանը (52 կգ), Արթուր Բազեյանը (57 կգ), Հովհաննես Բաչկովը (63 կգ), Գուրգեն Մադոյանը (69 կգ), Արմեն Մաշակալյանը (69 կգ), Արման Դարչինյանը (75 կգ), Գոռ Ներսիսյանը (81 կգ), Նարեկ Մանասյանը (91 կգ) ու Գուրգեն Մադոյանը (+91 կգ), Անուշ Գրիգորյանը (51 կգ) և Անի Հովսեփյանը (69 կգ):
Հայաստանի թիմը մարտի 14-24-ը Լոնդոնում եւ մայիսի 13-24-ը Փարիզում կմասնակցի օլիմպիական վարկանիշային մրցաշարերի։
Հայաստանի բռնցքամարտի ֆեդերացիայի մամուլի ծառայությունն էլ հայտնում է, որ Հայաստանի ազգային հավաքականը գլխավոր մարզիչ Վահան Ադիլխանյանի եւ երկրորդ մարզիչ Պավլիկ Ղարսլյանի ղեկավարությամբ սկսել է երկշաբաթյա ուսումնամարզական հավաքը Ծաղկաձորում: Ընդհանուր ֆիզիկական պատրաստվածությանն ուղղված հավաքին մասնակցում է 23 բռնցքամարտիկ: Հաջորդ հավաքը Հայաստանի հավաքականը կանցկացնի փետրվարին Երեւանում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.