Արթուր Ավագիմյանը կարիերան կշարունակի Ուկրաինայում
19:01 31 հունվարի, 2020Կիսապաշտպան Արթուր Ավագիմյանը կարիերան կշարունակի Ուկրաինայում։ NEWS.am Sport-ի թղթակցին հայտնի դարձավ, որ 23-ամյա ֆուտբոլիստը պայմանագիր է կնքել Օդեսայի «Չեռնոմորեցի» հետ։ Թիմը հանդես է գալիս Ուկրաինայի Առաջին լիգայում եւ 19 տուրի հետո 22 միավորով 10-րդ տեղում է։
Ավելի վաղ հայտնել էինք, որ «Ալաշկերտը» երկկողմանի համաձայնությամբ խզել է պայմանագիրը Արթուր Ավագիմյանի հետ, որը երեւանյան թիմի կազմը համալրել էր 2019-ի ամռանը:
Ավագիմյանը Դոնեցկի «Շախտյորի» սան է, թիմի կազմում մասնակցել է պատանեկան Չեմպիոնների լիգայի հանդիպումների:
«Շախտյորում» հանդես գալու տարիներին Ավագիմյանը հանդես է եկել Ուկրաինայի Մ-16, Մ-17 և Մ-19 հավաքականներում:
Երկու տարի անընդմեջ ուկրաինական «Մարիուպոլի» լավագույն երիտասարդ ֆուտբոլիստ ճանաչված և լեգենդար Լորան Բլանի նախաձեռնությանբ ֆրանսիական «Բորդոյում» փորձաշրջան անցած հայ կիսապաշտպանի նախորդ ակումբը նախքան «Ալաշկերտը» Կիևի «Արսենալն» էր, որի կազմում նա դարձել է 2 գոլի և 3 գոլային փոխանցման հեղինակ Ուկրաինայի անցած առաջնությունում:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.