«Լիվերպուլի» հերթական հաղթանակը, «Ինտերը» դուրս եկավ կիսաեզրափակիչ, «Մանչեսթեր Սիթին»՝ եզրափակիչ

Անգլիայի փոխչեմպիոն «Լիվերպուլն» ու «Վեսթ Հեմը» հունվարի 30-ին անցկացրեցին Պրեմյեր լիգայի 18-րդ տուրի հետաձգված հանդիպումը: 

Յուրգեն Կլոպի գլխավորած թիմը 2:0 հաշվով հաղթանակ տարավ և 70 միավորով կշարունակի գլխավորել մրցաշարային աղյուսակը: Գոլերի հեղինակ դարձան եգիպտացի հարձակվող Մոհամեդ Սալահը և անգլիացի կիսապաշտպան Ալեքս Օքսլեյդ-Չեմբեռլենը:

Անգլիայի Պրեմյեր լիգա, 18-րդ տուր

«Վեսթ Հեմ» - «Լիվերպուլ»՝ 0:2 (տեսանյութ)

Մոհամեդ Սալահ, 35 (11մ.), Ալեքս Օքսլեյդ-Չեմբեռլեն, 52

GET IN!

— Liverpool FC (@LFC) January 29, 2020

Անգլիայի լիգայի գավաթի խաղարկության կիսաեզրափակիչի պատասխան խաղում «Մանչեսթեր Սիթին» տանը մրցեց «Մանչեսթեր Յունայթեդի» հետ: Նորվեգացի Ուլե-Գունար Սուլշերի գլխավորած թիմը նվազագույն հաշվով հաղթանակ տարավ, սակայն առաջին խաղում 1:3 հաշվով կրած պարտության պատճառով դուրս մնաց պայքարից:

Խաղի հաշիվը 35-րդ րոպեին բացեց «Մանչեսթեր Յունայթեդի» սերբ կիսապաշտպան Նեմանյա Մատիչը, որը 76-րդ րոպեին երկրորդ դեղին քարտը ստացավ և հեռացվեց խաղադաշտից:

Խոսեպ Գվարդիոլայի գլխավորած «Մանչեսթեր Սիթին» երրորդ տարին անընդմեջ դուրս է գալիս Անգլիայի լիգայի գավաթի խաղարկության եզրափակիչ, որտեղ կմրցի «Աստոն Վիլայի» հետ: 

Անգլիայի լիգայի գավաթ, 1/2 եզրափակիչ

«Մանչեսթեր Սիթի» - «Մանչեսթեր Յունայթեդ»՝ 0:1 (ընդհանուր՝ 3:2) (տեսանյութ)

Նեմանյա Մատիչ, 35

Man City 0-1 Man Utd (3-2 agg): Matic goal not enough for Red Devils - 5 talking points https://t.co/jtleDCKlyx pic.twitter.com/Rf0crlcjkV

— Mirror Football (@MirrorFootball) January 29, 2020

Իտալիայի գավաթի խաղարկության քառորդ եզրափակիչում «Ինտերը» «Սան Սիրո» ստադիոնում ընդունեց «Ֆիորենտինային»:

«Ինտերը» Անտոնիո Կանդրևայի և Նիկոլո Բարելայի գոլերի շնորհիվ հաղթանակ տարավ և դուրս եկավ կիսաեզրափակիչ: «Ֆիորենտինայի» միակ գոլը խփեց ուրուգվայցի պաշտպան Մարտին Կասերեսը:

Իտալիայի գավաթի կիսաեզրափակիչում «Ինտերի» մրցակիցը կլինի «Նապոլին»: Եզրափակիչի երկրորդ ուղեգրի համար կպայքարեն «Միլանն» ու «Յուվենտուսը»:

«Ինտերի» կազմում իր նորամուտը նշեց Լոնդոնի «Տոտենհեմից» տեղափոխված դանիացի կիսապաշտպան Կրիստիան Էրիկսենը:

Իտալիայի գավաթ, 1/4 եզրափակիչ

«Ինտեր» - «Ֆիորենտինա»՝ 2:1 (տեսանյութ)

Անտոնիո Կանդրևա, 44, Նիկոլո Բարելա, 67 - Մարտին Կասերես, 60

| THERE HE IS!

Just seconds before #Barella's goal, @ChrisEriksen8 came on in @Alexis_Sanchez's place!

The Eriksen effect #InterFiorentina - #CoppaItalia pic.twitter.com/AAXH4c3u0K

— Inter (@Inter_en) January 29, 2020

| FULL-TIME

Into the final 4⃣ we go!

FORZA INTER! #InterFiorentina 2⃣-1⃣ #CoppaItalia pic.twitter.com/URETeBkgN5

— Inter (@Inter_en) January 29, 2020