Պաշտոնական. Բրունու Ֆերնանդեշը՝ «Մանչեսթեր Յունայթեդի» ֆուտբոլիստ
20:32 29 հունվարի, 2020Պորտուգալական «Սպորտինգի» և Պորտուգալիայի ազգային հավաքականի կիսապաշտպան Բրունու Ֆերնանդեշը մարզական կարիերան կշարունակի անգլիական «Մանչեսթեր Յունայթեդում», տեղեկացնում է ակումբի մամուլի ծառայությունը:
«Մանչեսթեր Յունայթեդը» Ֆերնանդեշի տրանսֆերային իրավունքի դիմաց «Սպորտինգին» կվճարի 55 միլիոն եվրո: 25 միլիոն եվրո «Սպորտինգը» կստանա բոնուսների տեսքով: Եթե «Մանչեսթեր Յունայթեդը» հետագայում վաճառի Ֆերնանդեշին, «Սպորտինգը» կստանա վաճառքից ստացվող գումարի 10 տոկոսը:
Բրունու Ֆերնանդեշի պայմանագիրը «Մանչեսթեր Յունայթեդի» հետ նախատեսված է մինչև 2025 թվականի հունիս՝ տարեկան 6 միլիոն եվրո աշխատավարձով:
Ընթացիկ մրցաշրջանում 25-ամյա կիսապաշտպանը «Սպորտինգի» կազմում մասնակցել է 18 հանդիպման՝ դառնալով 8 գոլի և 7 գոլային փոխանցման հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.