«Տոտենհեմը» ցանկանում է ձեռք բերել Օլիվյե Ժիրուին

Լոնդոնի «Տոտենհեմը» ցանկանում է ձեռք բերել Լոնդոնի «Չելսիի» եւ աշխարհի չեմպիոն Ֆրանսիայի հավաքականի հարձակվող Օլիվյե Ժիրուին, հաղորդում է 90Min.com-ը։

Պորտուգալացի Ժոզե Մոուրինյոյի գլխավորած թիմը փոխարինող է փնտրում անգլիացի հարձակվող Հարի Քեյնին, որի վերադարձը վիրահատությունից հետո սպասվում է մայիսին։

Ժիրուին ձեռք բերելու մտադրություն ունի նաեւ Միլանի «Ինտերը», սակայն իտալական եւ անգլիական ակումբների բանակցությունները արդյունք չեն տալիս։

33-ամյա Ժիրուն քիչ խաղաժամանակ է ստանում անգլիացի Ֆրենկ Լեմպարդի գլխավորած թիմում եւ վճռական է տրամադրված փոխել ակումբը, որպեսզի լավ մարզավիճակում մոտենա Եվրո-2020-ին։