«Մանչեսթեր Յունայթեդին» վերջին պահին հաջողվել է համաձայնության գալ Ֆերնանդեշի տեղափոխության շուրջ

Պորտուգալական «Սպորտինգի» և Պորտուգալիայի ազգային հավաքականի կիսապաշտպան Բրունու Ֆերնանդեշն, ամենայն հավանականությամբ, առաջիկա ժամերին պայմանագիր կկնքի անգլիական «Մանչեսթեր Յունայթեդի» հետ, տեղեկացնում է The Sun-ը:

«Մանչեսթեր Յունայթեդը» Ֆերնանդեշի տրանսֆերային իրավունքի դիմաց «Սպորտինգին» կվճարի 55 միլիոն եվրո: 25 միլիոն եվրո «Սպորտինգը» կստանա բոնուսների տեսքով:

Եթե «Մանչեսթեր Յունայթեդը» հետագայում վաճառի Ֆերնանդեշին, «Սպորտինգը» կստանա վաճառքից ստացվող գումարի 10 տոկոսը:

«Մանչեսթեր Յունայթեդում» Բրունու Ֆերնանդեշը կստանա շաբաթական 130 հազար ֆունտ աշխատավարձ:

Ընթացիկ մրցաշրջանում 25-ամյա կիսապաշտպանը «Սպորտինգի» կազմում մասնակցել է 18 հանդիպման՝ դառնալով 8 գոլի և 7 գոլային փոխանցման հեղինակ: