«Բարսելոնայի» հարձակվողն ապաքինվել է վնասվածքից

22:41   28 հունվարի, 2020

Կատալոնական «Բարսելոնայի» և Ֆրանսիայի ազգային հավաքականի հարձակվող Ուսման Դեմբելեն կարող է մասնակցել Իսպանիայի չեմպիոնի առաջիկա հանդիպմանը, տեղեկացնում է Calciomercato-ն:

Ֆրանսիացի հարձակվողն արդեն 2 օր է՝ մարզվում է ընդհանուր խմբում և պատրաստ է խաղադաշտ վերադառնալ:

Դեմբելեն վնասվածք էր ստացել նոյեմբերի 27-ին տեղի ունեցած Չեմպիոնների լիգայի խմբային փուլի «Բորուսիայի» դեմ խաղում:

Ընթացիկ մրցաշրջանում Դեմբելեն «Բարսելոնայի» կազմում մասնակցել է 9 հանդիպման՝ դառնալով 1 գոլի հեղինակ:

Տեղեկացնենք, որ «Բարսելոնան» իր առաջիկա հանդիպումը կանցկացնի հունվարի 30-ին: Իսպանիայի գավաթի խաղարկության 1/8 եզրափակիչում Կիկե Սետիենի գլխավորած թիմը կմրցի «Լեգանեսի» հետ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։