Իտալական «Ռոման» կփորձի ձմեռային տրանսֆերային պատուհանի ընթացքում ձեռք բերել Լոնդոնի «Չելսիի» իսպանացի կիսապաշտպան Պեդրո Ռոդրիգեսին, հաղորդում է Football Italia-ն։ «Ռոմայի» պորտուգալացի գլխավոր մարզիչ Պաուլու Ֆոնսեկան բախվել է լուրջ կադրային խնդիրների ֆուտբոլիստների վնասվածքների պատճառով։
32-ամյա ֆուտբոլիստի պայմանագիրն անգլիական ակումբի հետ ավարտվում է ամռանը, եւ «Չելսին» դեմ չի լինի հիմա վաճառել խաղացողին։
Ընթացիկ մրցաշրջանում Պեդրոն «Չելսիում» մասնակցել է 12 հանդիպման։
Պեդրոն 2010 թվականից Իսպանիայի հավաքականի խաղացող է, դարձել է աշխարհի ու Եվրոպայի չեմպիոն։ 2005-2015-ին նա հանդես է եկել «Բարսելոնայում»՝ դառնալով Իսպանիայի հնգակի չեմպիոն, Չեմպիոնների լիգայի եռակի գավաթակիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։