Կարուանան առաջին անգամ հաղթեց Tata Steel Masters-ում՝ 2 միավոր գերազանցելով Կարլսենին
23:47 26 հունվարի, 2020Ամերիկացի գրոսմայստեր Ֆաբիանո Կարուանան կարիերայում առաջին անգամ նվաճեց Հոլանդիայի Վեյկ ան Զեե քաղաքում անցկացվող Tata Steel Masters մրցաշարի հաղթողի կոչումը՝ 2 միավոր գերազանցելով աշխարհի չեմպիոն, նորվեգացի Մագնուս Կարլսենին։ Կարուանան 13 հնարավորից վաստակեց 10 միավոր՝ 7 հաղթանակ, 6 ոչ ոքի։ Երրորդ տեղը գրավեց ամերիկացի Ուեսլի Սոն՝ 7,5 միավոր։
Նախորդ երկու տարիներին այս մրցաշարում հաղթող էր դարձել Կարլսենը։
Վեյկ Ան Զեեի մրցաշարն անցկացվում է 1938 թվականից։ Հայ գրոսմայստերներից այս մրցաշարի հաղթողի կոչումը նվաճել են Տիգրան Պետրոսյանն (1960) ու Լեւոն Արոնյանը (2007՝ առաջին տեղը բաժանել է բուլղարացի Վեսելի Տոպալովի եւ ադրբեջանցի Թեյմուր Ռաջաբովի հետ, 2008՝ առաջին տեղը կիսել է Մագնուս Կարլսենի հետ, 2012, 2014):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։