Գվարդիոլա․ «Լիվերպուլը» կդառնա Անգլիայի չեմպիոն, բայց կարող էր դառնալ նաեւ Իսպանիայի, Իտալիայի եւ Գերմանիայի չեմպիոն

18:12   26 հունվարի, 2020

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան հիացմունքով է խոսել Պրեմյեր լիգայի առաջատար «Լիվերպուլի» մասին, որը գերմանացի Յուրգեն Կլոպի գլխավորությամբ ընթացիկ առաջնության 23 խաղում վաստակել է 67 միավոր։

«Մենք պետք է ընդունենք այս իրավիճակը եւ դասեր քաղենք։ «Լիվերպուլը» ֆենոմենալ, ցնցող ակումբ է։ Ակնհայտ է, որ նրանք կդառնան Պրեմյեր լիգայի չեմպիոն, բայց «Լիվերպուլը» կարող էր դառնալ նաեւ Իսպանիայի, Իտալիայի եւ Գերմանիայի չեմպիոն։ Նրանք ամեն տեղ էլ չեմպիոն կլինեն՝ 23 խաղում 22 հաղթանակից հետո։

Ոչ վաղ անցյալում, երբ «Չելսին» դարձավ Անգլիայի չեմպիոն, հաջորդ մրցաշրջանում չկարողացավ դուրս գալ Չեմպիոնների լիգա, իսկ երբ մենք դարձանք չեմպիոն, հաջորդ տարի կրկնեցինք այդ հաջողությունը»,- Գվարդիոլայի խոսքը մեջբերում է BBC-ն։

Պրեմյեր լիգայի 24 տուրից հետո «Մանչեսթեր Սիթին» 51 միավորով երկրորդ տեղում է եւ մեկ հանդիպում քիչ անցկացրած «Լիվերպուլից» հետ է 16 միավոր։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։