Արտետա. Օբամեյանգի հետ քննարկել եմ նրա ապագայի հարցը

00:14   25 հունվարի, 2020

Լոնդոնի «Արսենալի» և Գաբոնի ազգային հավաքականի հարձակվող Պյեր-Էմերիկ Օբամեյանգը չի հեռանա «Արսենալից», հայտնել է թիմի գլխավոր մարզիչ Միկել Արտետան:

«Օբամեյանգի հետ քննարկել եմ նրա ապագայի հարցը: Նա ինձ վստահեցրել է, որ մամուլի հրապարակումները չեն համապատասխանում իրականությանը, և նա ցանկանում է մնալ «Արսենալում»»,- Արտետայի խոսքը փոխանցում է Sky Sports-ը:

Ավելի վաղ բրիտանական պարբերականները հաղորդում էին, որ Օբամեյանգի տեղափոխությամբ հետաքրքրված է Իսպանիայի չեմպիոն «Բարսելոնան», որը ցանկանում է փոխարինող գտնել թիմի վնասվածք ստացած հարձակվող Լուիս Սուարեսին:

30-ամյա Օբամեյանգի պայմանագիրը նախատեսված է մինչև 2021 թվականի հունիս:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։