Աշխարհի երկրորդ ռակետ Նովակ Ջոկովիչը դուրս եկավ թենիսի Ավստրալիայի բաց առաջնության 1/8 եզրափակիչ։ Սերբ թենիսիստը մրցեց ճապոնացի Յոսիհիտո Նիսիոկուի հետ եւ առավելության հասավ երեք սեթում։ 1 ժամ 25 րոպե տեւած պայքարն ավարտվեց 6:3, 6:2, 6:2 հաշվով։
Քառորդ եզրափակիչի ուղեգրի համար Ջոկովիչը կմրցի արգենտինացի Դիեգո Շվարցմանի հետ, որը 6:2, 6:3, 7:6 (9:7) հաշվով հաղթել է սերբ Դուշան Լայովիչին։
Ջոկովիչն այս մրցաշարի անցած տարվա հաղթող է։
Կանանց մենախաղում «Մեծ սաղավարտի» մրցաշարերի 23-ակի չեմպիոն Սերենա Ուիլյամսը դուրս մնաց պայքարից։ Երրորդ շրջանում նա խաղաց չինացի Վան Ցյանի հետ եւ պարտություն կրեց 4:6, 7:6 (7:2), 5:7 հաշվով։ Australian Open-ի եռակի հաղթող Սերենա Ուիլյամսն առաջին անգամ է այսքան վաղ փուլում պարտվում այս մրցաշարում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։