«Մանչեսթեր Յունայթեդի» նախկին ֆուտբոլիստ, բրիտանական հեռուստատեսության ֆուտբոլային փորձագետ Գարի Նեւիլը մանչեսթերյան ակումբի ղեկավարությանը հորդորել է ձմեռային տրանսֆերային պատուհանի ժամանակ ձեռք բերել գոնե երկու խաղացողի։
Անգլիայի առաջնության 24-րդ տուրում «Մանչեսթեր Յունայթեդը» 0։2 հաշվով պարտվել է «Բարնլիին»։
«Այս պարտությունը պետք է լուրջ անհանգստության պատճառ լինի ակումբում, որի ղեկավարությունը պետք է մտածի ձմեռային տրանսֆերային պատուհանի ժամանակ գոնե երկու նորեկների ձեռք բերելու մասին։ Սուլշերին պետք է ժամանակ տալ, սակայն այս մրցաշրջանում որեւէ հաջողություն ունենալու համար պետք է թարմացնել կազմը։
«Մանչեսթեր Յունայթեդն» այժմ ունի երիտասարդ կազմ, սակայն որակի պակաս կա»,- Նեւիլի խոսքը մեջբերում է BBC-ն։
«Մանչեսթեր Յունայթեդը» 34 միավորով 5-րդ տեղում է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։