Իտալիայի գավաթի խաղարկության քառորդ եզրափակիչում «Յուվենտուսը» Թուրինում մրցեց «Ռոմայի» հետ: Մաուրիցիո Սարիի գլխավորած թիմը 3:1 հաշվով հաղթանակ տարավ՝ դուրս գալով կիսաեզրափակիչ:
26-րդ րոպեին Գոնսալո Իգուաինի փոխանցումից հետո հաշիվը բացեց «Յուվենտուսի» առաջատար Կրիշտիանու Ռոնալդուն: 38-րդ րոպեին իր թիմի առավելությունը կրկնապատկեց ուրուգվայցի կիսապաշտպան Ռոդրիգո Բենտանկուրը: Առաջին խաղակեսի ավելացված ժամանակի երկրորդ րոպեին «Յուվենտուսի» երրորդ գոլը խփեց իտալացի պաշտպան Լեոնարդո Բոնուչին: 50-րդ րոպեին «Յուվենտուսի» դարպասապահ Ջանլուիջի Բուֆոնը դարձավ ինքնագոլի հեղինակ:
Հայաստանի ազգային հավաքականի առաջատար Հենրիխ Մխիթարյանը վնասվածքի պատճառով դուրս էր մնացել «Ռոմայի» հայտացուցակից:
Ավելի վաղ Իտալիայի գավաթի խաղարկության կիսաեզրափակիչի ուղեգիր էր ձեռք բերել «Նապոլին», որը 1:0 հաշվով հաղթանակ էր տարել «Լացիոյի» նկատմամբ:
Իտալիայի գավաթ, 1/4 եզրափակիչ
«Յուվենտուս» - «Ռոմա»՝ 3:1
Կրիշտիանու Ռոնալդու, 26, Ռոդրիգո Բենտանկուր, 38, Լեոնարդո Բոնուչի, 45+2 - Ջանլուիջի Բուֆոն, 50 (ինքնագոլ)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։