ՖԻԴԵ-ն որակազրկել է Sivas Buruciye-ի թուրք կազմակերպիչին, որը Հայաստանի չեմպիոնին խնդրել էր հրաժարվել մասնակցությունից
16:23 22 հունվարի, 2020Շախմատի կանանց Հայաստանի քառակի չեմպիոն, գրոսմայստեր Մարիա Գեւորգյանը պատմել է, թե ինչ հանգուցալուծում է ստացել ադրբեջանցիների պահանջով Թուրքիայում 2019թ․ օգոստոսին անցկացված մրցաշարին իր չմասնակցելու հետ կապված միջադեպը:
«ՖԻԴԵ-ն որակազրկել է Sivas Buruciye միջազգային մրցաշարի կազմակերպիչ, թուրք Մուսթաֆա Էրօգլուին 1 տարով: Նա չի կարողանա մրցաշարեր կազմակերպել: Բայց ամբողջ խնդիրն այն է, որ միայն կազմակերպիչն է որակազրկվել, իսկ ադրբեջանցի շախմատիստը, որն այդպիսի պահանջով էր հանդես եկել՝ ոչ:
Շախմատի Հայաստանի ֆեդերացիան եւս գտնում է, որ պետք է պատժվի նաեւ այդպիսի պահանջով հանդես եկած շախմատիստը: Այս հարցին դեռեւս ժամանակ չեմ ունեցել անդրադառնալ զբաղվածության պատճառով, բայց հետեւողական ենք լինելու, որ բոլորը ստանան իրենց պատիժը այս միջադեպի կապակցությամբ»,- պատմել է Մարիա Գեւորգյանը NEWS.am Sport-ի թղթակցին:
Հիշեցնենք, որ Մարիա Գեւորգյանին Sivas Buruciye Сhess Open-2019 միջազգային մրցաշարին մասնակցելու հրավեր ուղարկելուց օրեր անց մրցաշարի կազմակերպիչ թուրք Մուսթաֆա Էրօգլուն խնդրել էր հրաժարվել մասնակցությունից ադրբեջանցի շախմատիստների պահանջով: Այդ թվում թուրք կազմակերպիչը հրաժարվել էր Հայաստանի ներկայացուցչի մասնակցության ծախսերը հոգալ:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.