Կատալոնական «Բարսելոնայի» ղեկավարությունն առաջիկա օրերի ընթացքում կփորձի համաձայնության գալ Լոնդոնի «Արսենալի» և Գաբոնի ազգային հավաքականի հարձակվող Պյեր-Էմերիկ Օբամեյանգի տեղափոխության հարցում:
«Բարսելոնայի» նախագահ Խոսեպ Մարիա Բարտոմեուի և մարզական տնօրեն Էրիկ Աբիդալի գլխավորությամբ տեղի ունեցած ժողովի ընթացքում որոշում է ընդունվել ձմեռային տրանսֆերային պատուհանի ընթացքում փոխարինող գտնել թիմի ուրուգվայցի հարձակվող Լուիս Սուարեսին, որը ծանր վնասվածք է ստացել:
«Բարսելոնան» բանակցություններ կսկսի «Արսենալի» հետ և կփորձի համաձայնության գալ մինչև ընթացիկ մրցաշրջանի ավարտ Օբամեյանգին վարձակալելու հարցում:
Իսպանիայի չեմպիոնը քննարկում է նաև «Վալենսիայի» իսպանացի հարձակվող Ռոդրիգոյին և «Ինտերի» արգենտինացի հարձակվող Լաուտարո Մարտինեսին ձեռք բերելու հնարավորությունը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։