Գարեթ Բեյլը «Ռեալի» ղեկավարությանը հայտնել է, որ չի հեռանա ժամանակից շուտ

13:50   21 հունվարի, 2020

Մադրիդի «Ռեալի» եւ Ուելսի հավաքականի կիսապաշտպան Գարեթ Բեյլը Արքայական ակումբի ղեկավարությանը հայտնել է, որ մտադրություն չունի ժամանակից շուտ հեռանալ թիմից եւ կմնա մինչեւ պայմանագրի ավարտը, այնուհետեւ անվճար կտեղափոխվի այլ ակումբ, հայտնում է բրիտանական Mirror-ը։

30-ամյա ֆուտբոլիստի պայմանագիրը «Ռեալի» հետ նախատեսված է մինչեւ 2022թ․ հունիս։ Նա ստանում է շաբաթական 700 հազար եվրո։

Ընթացիկ մրցաշրջանում Բեյլը «Ռեալի» հետ մասնակցել է 12 հանդիպման, խփել 2 գոլ, կատարել նույնքան գոլային փոխանցում։

Բեյլը մադրիդյան թիմում ստացել է 25 վնասվածք, բաց է թողել 90 հանդիպում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։