Նովակ Ջոկովիչը՝ 900-րդ հաղթանակի մասին

10:48   21 հունվարի, 2020

Սերբ թենիսիստ, աշխարհի երկրորդ ռակետ Նովակ Ջոկովիչը մեկնաբանել է 900-րդ հաղթանակը կարիերայում։ Ավստրալիայի բաց առաջնության մեկնարկում նա պարտության էր մատնել գերմանացի Յան-Լենարդ Շտրուֆին։ 

«Իհարկե, ես հպարտ եմ, որ հասել եմ այս նվաճմանը, բայց ես ձգտում եմ ինձ հիշեցնել, որ պետք է շնորհակալ լինեմ իմ սիրելի մարզաձեւով պրոֆեսիոնալ զբաղվելու համար։ Ես թենիսի ռակետը վերցրել եմ չորս տարեկանում։ Անցել է ավելի քան 25 տարի, բայց ես նախկինի նման չեմ կարողանում գիտակցել, թե ինչ է կատարվել ինձ հետ։ Վայելում եմ կարիերայիս ամեն պահը»,- Ջոկովիչի խոսքը մեջբերում է ATP-ի կայքը։

32-ամյա թենիսիստը 6-րդն է պատմության մեջ, ում հաջողվել է 900 եւ ավելի հաղթանակ տանել կարիերայի ընթացքում։ Ավելի բարձր ցուցանիշ ունեն Ջիմի Քոնորսը (1274), Ռոջեր Ֆեդերերը (1237), Իվան Լենդլը (1068), Ռաֆայել Նադալը (981) եւ Գիլյերմո Վիլասը (949)։ 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։