Կատալոնական «Բարսելոնայի» ֆրանսիացի հարձակվող Ուսման Դեմբելեն ավարտել է բուժումը Քաթարի մայրաքաղաք Դոհայում և վերադարձել է Բարսելոնա, տեղեկացնում է Իսպանիայի չեմպիոնի մամուլի ծառայությունը:
Դեմբելեն վնասվածք ստանալուց հետո հունվարի 20-ին առաջին մարզումն է անցկացրել «Բարսելոնայի» մարզաբազայում: 22-ամյա հարձակվողը մարզվել է անհատական ծրագրով:
«Բարսելոնայի» մարզչական շտաբը կարծում է, որ ֆրանսիայի ազգային հավաքականի հարձակվողը կկարողանա խաղադաշտ վերադառնալ փետրվարին:
Հիշեցնենք, որ ընթացիկ մրցաշրջանում Դեմբելեն 3 վնասվածք է ստացել և «Բարսելոնայի» կազմում մասնակցել է միայն 9 հանդիպման՝ դառնալով 1 գոլի հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։