Լոնդոնի «Չելսիի» գլխավոր մարզիչ Ֆրենկ Լեմպարդը հայտարարել է, որ հետաքրքրված է Ֆրանսիայի չեմպիոն ՊՍԺ-ի և Ուրուգվայի ազգային հավաքականի հարձակվող Էդինսոն Կավանիի խաղով:
«Կավանին հրաշալի հարձակվող է: Ես հնարավորություն ունեցել եմ խաղալ նրա դեմ, և ինձ միշտ դուր է եկել այն, թե ինչպես է նա վերաբերվում ֆուտբոլին:
«Չելսիի» կազմը շատ երիտասարդ է, և ես կուզենայի, որ երիտասարդ ֆուտբոլիստներին առաջնորդեր Կավանիի պես փորձառու հարձակվող»,- անգլիացի մասնագետի խոսքը փոխանցում է Sky Sports-ը:
Ավելի վաղ ՊՍԺ-ի մարզական տնօրեն Լեոնարդոն հայտարարել էր, որ Կավանին խնդրել է վաճառքի հանել իր տրանսֆերը:
Ուրուգվայցի հարձակվողի տեղափոխությամբ հետաքրքրված է նաև Մադրիդի «Աթլետիկոն»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։