Սարի․ Ռոնալդուն կարող է 100 խնդիր լուծել
13:15 20 հունվարի, 2020Իտալիայի չեմպիոն Թուրինի «Յուվենտուսի» իտալացի գլխավոր մարզիչ Մաուրիցիո Սարին դրվատանքով է խոսել թիմի պորտուգալացի հարձակվող Կրիշտիանու Ռոնալդուի մասին, որը «Պարմայի» դեմ Իտալիայի առաջնության 19-րդ տուրի խաղում դարձել է դուբլի հեղինակ, «Յուվենտուսը» հաղթել է 2։1 հաշվով։
«Մեր թիմում կա համաշխարհային կարգի խաղացող, որը կարող է երբեմն խնդիրներ ստեղծել, բայց նա նաեւ կարող է լուծել 100 խնդիր։ Այդ ամենը պետք է հաշվի առնել եւ աշխատել նրան բնութագրող գծերի հետ»,- Սարիի խոսքը մեջբերում է Football Italia-ն։
Իտալիայի ընթացիկ առաջնությունում Ռոնալդուն մասնակցել է 17 հանդիպման, խփել 16 գոլ, կատարել 2 գոլային փոխանցում։ «Յուվենտուսը» 51 միավորով գլխավորում է մրցաշարային աղյուսակը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։