Իսպանիայի առաջնությունում առաջին հանդիպումը նորանշանակ իսպանացի գլխավոր մարզիչ Կիկե Սետիենի գլխավորությամբ անցկացրեց չեմպիոն «Բարսելոնան», որն ընդունեց «Գրանադային»։
Սետիենի նորամուտը կատալոնական ակումբում հաղթական էր։ Չիլիացի կիսապաշտպան Արտուրո Վիդալի փոխանցումից հետո 76-րդ րոպեին աչքի ընկավ արգենտինացի հարձակվող Լիոնել Մեսին։ Հյուրերը վերջնամասն անցկացրին 10 ֆուտբոլիստներով։
«Բարսելոնան» 43 միավորով հավասարվեց Մադրիդի «Ռեալին» եւ գոլերի տարբերությամբ առաջին տեղում է։ «Գրանադան» ունի 27 միավոր եւ 10-րդն է։
Իսպանիայի առաջնություն, 20-րդ տուր
«Բարսելոնա» - «Գրանադա»՝ 1։0 (տեսանյութ)
Լիոնել Մեսի, 76
Հեռացում՝ Խերման Սանչես («Գրանադա»), 69, երկրորդ դեղին քարտ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։