«Լիվերպուլը» Վան Դեյքի եւ Սալահի գոլերի շնորհիվ հաղթեց «Մանչեսթեր Յունայթեդին»
22:21 19 հունվարի, 2020Անգլիայի առաջնության 23-րդ տուրում առաջատար «Լիվերպուլը» գերմանացի Յուրգեն Կլոպի գլխավորությամբ սեփական խաղադաշտում մրցեց «Մանչեսթեր Յունայթեդի» հետ եւ առավելության հասավ 2։0 հաշվով։
14-րդ րոպեին անկյունայինից հետո «Լիվերպուլի» հոլանդացի պաշտպան Վիրջիլ վան Դեյքն օգտագործեց անգլիացի պաշտպան Տրենտ Ալեքսանդր-Առնոլդի փոխանցումը եւ գրավեց հյուրերի դարպասը։
25-րդ րոպեին գոլ խփեց բրազիլացի հարձակվող Ռոբերտո Ֆիրմինոն, սակայն VAR-ը ցույց տվեց, որ «Մանչեսթեր Յունայթեդի» իսպանացի դարպասապահ Դավիդ Դե Խեայի դեմ կանոնների խախտում է թույլ տվել Վիրջիլ վան Դեյքը, եւ գոլը չգրանցվեց։
Ավելացված ժամանակում լիվերպուլյան թիմի առավելությունը կրկնապատկեց եգիպտացի հարձակվող Մոհամեդ Սալահը։ Գոլային փոխանցումը կատարեց դաշտի տերերի բրազիլացի դարպասապահ Ալիսոն Բեքերը։
«Լիվերպուլը» 22 խաղից հետո 64 միավորով գլխավորում է մրցաշարային աղյուսակը։ Երկրորդ տեղում ընթացող «Մանչեսթեր Սիթին» 23 խաղում վաստակել է 48 միավոր։ «Մանչեսթեր Յունայթեդը» 5-րդն է՝ 34 միավոր։
Անգլիայի առաջնություն, 23-րդ տուր
«Լիվերպուլ» - «Մանչեսթեր Յունայթեդ»՝ 2։0 (տեսանյութ)
Վիրջիլ վան Դեյք, 14, Մոհամեդ Սալահ, 90+3
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.