Ֆրանսիական ՊՍԺ-ի ղեկավարությունը հերթական անգամ հրաժարվել է վաճառել ուրուգվայցի հարձակվող Էդինսոն Կավանիին, որի համար Մադրիդի «Աթլետիկոն» առաջարկում է 10 միլիոն եվրո, հաղորդում է Goal.com-ը։
ՊՍԺ-ում կարծում են, որ Չեմպիոնների լիգայի փլեյ-օֆֆում կլինի Կավանիի անհրաժեշտությունը։ 32-ամյա ֆուտբոլիստը ամռանն անվճար կհեռանա ՊՍԺ-ից։ Նրա պայմանագիրն ակումբի հետ նախատեսված է մինչեւ 2020թ․ հունիսի 30-ը։
Կավանիին ձեռք բերելու ցանկություն ունեն նաեւ «Մանչեսթեր Յունայթեդն» ու Լոնդոնի «Արսենալը»։
Կավանին ՊՍԺ-ում է 2013 թվականից։ Ընթացիկ մրցաշրջանում նա մասնակցել է 14 հանդիպման, խփել 5 գոլ, կատարել 1 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։