«Նապոլիի» նախագահը ցանկանում է հեռացնել Գատուզոյին

«Նապոլիի» նախագահ Աուրելիո Դե Լաուրենտիսը ցանկանում է գլխավոր մարզիչի պաշտոնից հեռացնել իտալացի Ջենարո Գատուզոյին, որը դեկտեմբերի 11-ին է նշանակվել պաշտոնում՝ փոխարինելով իտալացի Կառլո Անչելոտիին, հաղորդում է gazetta.it-ը։

Դե Լաուրենտիսն արդեն հիասթափված է Գատուզոյի աշխատանքից։ Իտալիայի առաջնությունում անցկացրած հինգ խաղից չորսում «Նապոլին» Գատուզոյի գլխավորությամբ պարտվել է։

Իտալիայի առաջնության 20-րդ տուրում «Նապոլին» 0։2 հաշվով պարտվեց «Ֆիորենտինային» եւ 24 միավորով 12-րդ տեղում է։

Գատուզոն կրկնեց «Նապոլիի» նախկին գլխավոր մարզիչ, չեխ Զդենեկ Զեմանի անհաջող շարքը, որը գրանցվել էր 2000 թվականին։