Կիկե Սետիենն ընթրիքի է հրավիրել «Բարսելոնայի» ֆուտբոլիստներին

19:10   17 հունվարի, 2020

Կատալոնական «Բարսելոնայի» նորանշական գլխավոր մարզիչ Կիկե Սետիենի նախաձեռնությամբ հունվարի 16-ին թիմի նոր մարզչական շտաբի և ֆուտբոլիստների համատեղ ընթրիք է տեղի ունեցել:

Catalunya Radio-ի հաղորդմամբ՝ Սետիենն ընթրիքի է հրավիրել «Բարսելոնայի» ֆուտբոլիստներին, որպեսզի ընկերական հարաբերություններ հաստատի թիմի խաղացողների հետ և ավելի անմիջական շփվի նրանց հետ:

Ընթրիքին չեն մասնակցել միայն ծանր վնասվածքներից ապաքինվող ուրուգվայցի հարձակվող Լուիս Սուարեսն ու ֆրանսիացի հարձակվող Ուսման Դեմբելեն:

Ավելի վաղ տեղեկացրել ենք, որ Կիկե Սետիենը «Բարսելոնայի» ֆուտբոլիստներին զրկել է հանգստի հնարավորությունից և ամեն օր 2 մարզում է անցկացնում թիմի մարզաբազայում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։