Մոուրինյոն կստանա 2,3 միլիոն եվրո բոնուս, եթե «Տոտենհեմը» հայտնվի Չեմպիոնների լիգայում
14:14 17 հունվարի, 2020«Տոտենհեմի» պորտուգալացի գլխավոր մարզիչ Ժոզե Մոուրինյոն կստանա 2,3 միլիոն եվրո բոնուս, եթե կարողանա այս մրցաշրջանի արդյունքում Պրեմյեր լիգայում գրավել առնվազն չորրորդ տեղը եւ լոնդոնյան թիմը դուրս բերել Չեմպիոնների լիգա, հաղորդում է Daily Mail-ը։
Մոուրինյոն 2019թ․ նոյեմբերին փոխարինել է արգենտինացի Մաուրիսիո Պոչետինոյին, երբ թիմը չորրորդ տեղից հետ էր 11 միավոր։ «Տոտենհեմի» ղեկավարության համար այնքան կարեւոր է Չեմպիոնների լիգայում խաղալը, որ ուղեգրի համար բոնուսի կետն ամրագրել է Մոուրինյոյի պայմանագրում։
Անգլիացի հարձակվող Հարի Քեյնի վնասվածքից հետո Մոուրինյոն ցանկանում է այս ամիս ձեռք բերել մեկ հարձակվողի։ Քեյնի վերադարձը խաղադաշտ սպասվում է մայիսին։
Անգլիայի առաջնության 22 տուրից հետո «Տոտենհեմը» 30 միավորով 8-րդ տեղում է եւ չորրորդ տեղում ընթացող «Չելսիից» հետ է 9 միավոր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։