«Լիվերպուլը» նախապատրաստում է ռեկորդային տրանսֆեր
11:45 17 հունվարի, 2020Պրեմյեր լիգայի առաջատար «Լիվերպուլը» մտադիր է ձեռք բերել Լեւերկուզենի «Բայերի» եւ Գերմանիայի հավաքականի կիսապաշտպան Կայ Հավերցին, հաղորդում է ESPN-ը։
Գերմանացի Յուրգեն Կլոպի գլխավորած թիմը պատրաստ է 20-ամյա ֆուտբոլիստի համար վճարել 125 միլիոն եվրո, ինչը կլինի ռեկորդային տրանսֆեր անգլիական ակումբի համար։
«Լիվերպուլի» պատմության մեջ ամենաթանկ տրանսֆերը եղել է հոլանդացի պաշտպան Վիրջիլ վան Դեյքը՝ 80 միլիոն եվրո։
Կայ Հավերցը 2016-ին է նորամուտը նշել «Բայերի» գլխավոր թիմում։ ՈւԵՖԱ-ն նրան ընդգրկել էր Չեմպիոնների լիգայի ընթացիկ մրցաշրջանի խմբային փուլի հայտնությունների խորհրդանշական հավաքականում։
Հավերցի պայմանագիրը «Բայերի» հետ նախատեսված է մինչեւ 2022թ․ հունիս։ Նրան գնելու ցանկություն ունեն նաեւ «Բավարիան», «Բարսելոնան», «Յուվենտուսն» ու «Ռեալը»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.