Խառը մենամարտերի 2 քաշային կարգում նախկին չեմպիոն, իռլանդացի Քոնոր Մաքգրեգորը Լաս Վեգասում տեղի ունեցած մամուլի ասուլիսի ընթացքում հայտարարել է, որ նպատակ ունի հաղթել ամերիկացի Դոնալդ Սերոնեին:
«Հարգում եմ «կովբոյին» և վաղուց եմ հետևում նրա մենամարտերին: Նա, իրոք, շատ ուժեղ մրցակից է, սակայն ես նոկաուտի եմ ենթարկելու նրան:
Մեծ աշխատանք եմ կատարել այս մենամարտից առաջ: Դեռ ամիսներ առաջ ամբողջությամբ հրաժարվել եմ ալկոհոլից և կենտրոնացել միայն մարզումների վրա»,- Մաքգրեգորի խոսքը փոխանցում է MMAJunkie-ն:
Քոնոր Մաքգրեգորի և «կովբոյ» մականվամբ Դոնալդ Սերոնեի մենամարտը տեղի կունենա հունվարի 19-ին Երևանի ժամանակով 07:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։