ՀՀ 3-րդ նախագահ, Հայաստանի շախմատի ֆեդերացիայի նախագահ Սերժ Սարգսյանը հունվարի 15-ին այցելել է Տիգրան Պետրոսյանի անվան շախմատի տուն, որտեղ ս.թ. հունվարի 12-ից մեկնարկել են Հայաստանի տղամարդկանց 80-րդ և կանանց 75-րդ հոբելյանական առաջնությունները, տեղեկացնում է Հայաստանի շախմատի ֆեդերացիայի մամուլի ծառայությունը:
Սերժ Սարգսյանը հետևել է առաջնությունների ընթացքին, որոնք կեզրափակվեն հունվարի 20-ին:
Հայաստանի տղամարդկանց և կանանց առաջնություններն անցկացվում են շրջանային մրցակարգով՝ 9 խաղափուլերով: Տղամարդկանց մրցաշարի 10 մասնակիցներից 9 գրոսմայստերներ են։
Կանանց մրցաշարին ևս մասնակցում է 10 շախմատիստուհի, այդ թվում՝ 2 գրոսմայստեր, 2 միջազգային վարպետ և ՖԻԴԵ-ի 2 վարպետ։ Հայաստանի չեմպիոնները կընդգրկվեն ազգային հավաքականների կազմեր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։