Նադալն ու Ֆեդերերը 170 հազար դոլար են հատկացրել Ավստրալիայում հրդեհների մարման համար
00:13 16 հունվարի, 2020Աշխարհի առաջին ռակետ, իսպանացի Ռաֆայել Նադալը հայտարարել է, որ շվեյցարացի թենիսիստ Ռոջեր Ֆեդերերի հետ առաջիկայում օգնություն կտրամադրի Ավստրալիայում հրդեհների դեմ պայքարի համար:
Ավստրալիայում ստեղծված իրավիճակի հետ կապված անցկացրած բարեգործական խաղի ընթացքում Նադալը հայտարարել է, որ Ավստրալիայում հրդեհաշիջման աշխատանքների համար Ֆեդերերի հետ կհատկացնի շուրջ 170 հազար դոլար:
Ավստրալիայի արեւելյան եւ հարավարեւելյան ափերին մասշտաբային անտառային հրդեհներ են բռնկվել անցած տարվա հոկտեմբերի կեսերին: Կրակով են բռնվել Նոր Հարավային Ուելսի եւ Վիկտորիայի նահանգների տարածքները, հարավային ափերի որոշ տարածաշրջաններ: Հրդեհների հետեւանքով մայրցամաքում ոչնչացել Է ավելի քան 8,5 մլն հեկտար անտառ, շուրջ 3 հազար բնակելի տուն եւ ավելի քան 6 հազար վարչական եւ տնտեսական շինություն: Որոշ տվյալներով՝ կրակի ճիրաններում է հայտնվել ավելի քան 1 մլրդ կենդանի:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։