Լոնդոնի «Տոտենհեմի» և Դանիայի ազգային հավաքականի կիսապաշտպան Կրիստիան Էրիկսենն առաջիկա ժամերին կարող է դառնալ Միլանի «Ինտերի» ֆուտբոլիստ:
Gianlucadimarzio.com-ի հաղորդմամբ՝ «Ինտերը» համաձայնության է եկել Էրիկսենի հետ 27-ամյա կիսապաշտպանի անձնական պայմանագրի կետերի շուրջ:
«Ինտերն» այժմ բանակցություններ է վարում «Տոտենհեմի» հետ, որը Էրիկսենի վաճառքից ցանկանում է ստանալ 20 միլիոն եվրո: «Ինտերը» պատրաստ է վճարել 10 միլիոն եվրո:
Տեղեկացնենք, որ Էրիկսենի պայմանագիրը «Տոտենհեմի» հետ նախատեսված է մինչև այս տարվա հունիս, ինչը նշանակում է, որ եթե «Ինտերը« չկարողանա համաձայնության գալ «Տոտենհեմի» հետ, ապա Էրիկսենն ամռանը լոնդոնյան ակումբից կհեռանա անվճար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։