«Մանչեսթեր Յունայթեդը» հրաժարվել է Դոհայում հավաք անցկացնելու մտադրությունից

13:12   15 հունվարի, 2020

«Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը հայտնել է, որ անգլիական ակումբը հրաժարվել է փետրվարին Քաթարի մայրաքաղաք Դոհայի Aspire Academy մարզահամալիրում մարզումային հավաք անցկացնելու մտադրությունից, որն ուներ մինչեւ Մերձավոր Արեւելքում լարվածության աճը՝ պայմանավորված ԱՄՆ-ի զինուժի կողմից իրանցի գեներալ Սուլեյմանիի սպանությունով։

«Կան հարցեր, որոնք ֆուտբոլից կարեւոր են։ Մենք մտադրություն ունեինք փետրվարին մեկնել Մերձավոր Արեւելք, սակայն հիմա հստակ է, որ այդ հավաքը տեղի չի ունենա։ Ես խաղացողներին մի քանի օր հանգիստ կտամ։ Նրանք կմնան Եվրոպայում»,- Սուլշերի խոսքը մեջբերում է BBC-ն։

Փետրվարի 1-ին «Վուլվերհեմփթոնի» հետ տնային խաղից հետո «Մանչեսթեր Յունայթեդը» հաջորդ հանդիպումը կանցկացնի փետրվարի 17-ին՝ հյուրընկալվելով «Չելսիին»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։