Իսպանիայի Սուպերգավաթ․ «Ռեալն» ավելի շատ գումար է ստացել, քան մյուս 3 թիմերը միասին
15:57 14 հունվարի, 2020Մադրիդի «Ռեալը» Իսպանիայի սուպերգավաթի խաղարկությունում տիտղոսը նվաճելու համար ստացել է 12 միլիոն եվրո, ինչը գերազանցում է մյուս երեք թիմերի ստացած ընդահանուր գումարը, հաղորդում է AS-ը։ Արքայական ակումբի յուրաքանչյուր խաղացող ստացել է 150 հազար եվրո պարգեւավճար։
Երկրորդ տեղում է կիսաեզրափակիչում Մադրիդի «Աթլետիկոյին» 2։3 հաշվով պարտված չեմպիոն «Բարսելոնան», որը Սաուդյան Արաբիայում մրցաշարին մասնակցելու համար «Ռեալի» նման ստացել է առանձին 6 միլիոն եվրո։ «Աթլետիկոյին» մասնակցության համար վճարվել է 4 միլիոն եվրո, գավաթակիր «Վալենսիային»՝ 1,7 միլիոն եվրո։
Հիշեցնենք, որ Իսպանիայի սուպերգավաթի խաղարկությունն առաջին անգամ անցկացվեց կիսաեզրափակիչ - եզրափակիչ ձեւաչափով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։